نوچەنێت-سی.ئێن.ئێن
ژمارەیەک لە بەرپرسانی ئێستا و پێشووی کۆشکی سپی، پلانێکی نوێی ئەمریکا دژی ئێران ئاشکرا دەکەن.
بە گوێرەی سەرچاوەکان، ژمارەیەک لە بەرپرسانی ئەمریکا ئاشکرایان کردووە، کە واشنتۆن لە ئێستادا خەریکی تاوتوێکردنی پرسی بە تیرۆریست ناسینی سوپای پاسدارانە.
سەرچاوەکان با س لەوەش دەکەن، کە ئامانج لەم کارە، توندترکردنی گوشارەکانە بۆ سەر ئێران. بۆ ئەم مەبەستەش بەرپرسانی کۆشکی سپی خەریکی تاوتوێ و هەڵسەنگاندنی ئەم پرسەن، کە سوپای پاسداران وەک باڵی سەربازی کۆماری ئیسلامی ئێران، بخرێتە لیستی تیرۆرەوە.
