نوچەنێت: تایبەت
چالاکوانێکی سیاسی رۆژهەڵاتی کوردستان رایدەگەیەنێت، گوشارەکان لەسەر حکومەتی ئێران هەم کاریگەریی ئابووری و هەم کاریگەریی دەروونی و زیهنی داناوە. دەشڵێت “ئێران هیچ دۆستێکی ستراتیژیکی، جگە لە گروپە تیرۆریستییەکان”.
لە لێدوانێکی تایبەت بە نوچەنێت، عیرفان رهنمون، چالاکی سیاسی رۆژهەڵاتی کوردستان، لەبارەی کاریگەری گوشارەکانی سەر ئێران، رایگەیاند: گوشارەکانی ئەمریکا بۆ سەر ئێران، لە سەرانسەری ئێران و رۆژهەڵاتی کوردستان دا ، کاریگەری قووڵی داناوە. هەم کاریگەریی ئابووری و هەم کاریگەریی دەروونی و زیهنی. واتە دراوی ئێران لە بەرامبەر دراوە جیهانییەکاندا، هاڕەی کردووە و بازاڕ وەستاوە و خەڵک لە ترسی شەڕ و داهاتووی نادیار، زێڕ و زیو دەکڕن و هەموو کەرەستەیەکی ژیان دووقات و چەند قات، گران بوە و خەریکە ترسی خەڵک لە رژێمی ئێران دەشکێ و هەر رۆژ لە شارێکی ئێراندا، خۆپیشاندان دەکرێ.
عیرفان رهنمون ئاماژە بەوە دەکات، کە خەڵک خەریکن باوەڕ بەوە دێنن، کە رژیم دوا ساڵەکانی تەمەنی تێپەڕ دەکات. گوتیشی “پێشمەرگەکانی حیزبی دیموکراتی کوردستانی ئێران، لەزۆر ناوچەی کوردستاندا، کۆبوونەوەی جەماوەرییان بۆ خەڵک گرتووە و تەنانەت بە رۆژی رووناکیش چوونە ناو شاری “شنۆ” لە رۆژهەلاتی کوردستان و کۆبوونەوەیان بەماوەی نزیک بە ٣ کاتژمێر بۆ خەڵک گرت و لەلایەن، خەڵکی رۆژهەڵاتەوە، پێشوازییەکی گەرمیان لێ کراوە.
