نوچەنێت: تایبەت
گوتەبێژی وەزارەتی تەندروستی حکومەتی هەرێمی کوردستان رایدەگەیەنێت، یەکەم حاڵەتی تووشبوون بە نەخۆشی تای خوێنبەربوون تۆمارکراوە و ئێستا نەخۆشەکە لەژێر چاودێری تەندروستیدایە.
لە لێدوانێکی تایبەت بە نوچەنێت، د. خاڵس قادر، گوتەبێژی وەزارەتی تەندروستی دەڵێت ئەمڕۆ لیژنەی باڵای کۆنتڕۆڵکردنی نەخۆشییەکە لەسەر ئاستی هەرێم بە سەرۆکایەتی وەزیری تەندروستی، سەرجەم رێوشوێنەکان دەگرنە بەر بۆ رووبەڕووبوونەوەی نەخۆشییەکە.
د. خاڵس قادر دەڵێت، ئەو حاڵەتەی، کە دەستنیشانکراوە تەندروستی جێگیرە و تاوەکو ئێستا لەژێر چاودێری تەندروستییدایە و بڵاوبوونەوەی نەخۆشییەکە تەنیا لەنێو ئاژەڵداران و قەسابەکانە.
