نوچەنێت-شەرقولئەوسەت
پارێزگای پێشووی نەینەوا دەڵێت، نزیک بە 700 چەکداری داعش، لە نێوان پارێزگاکانی نەینەوا و سەلاحەدین جێگر کراون و هەر دەم ئامادەی هێرشن.
ئەسیل نوجەیفی، پارێزگاری پێشووی نەینەوا لە گفتوگۆ لە گەڵ شەرقولئەوسەت دەڵێت: بەپێی ئەو زانیاریانەی لە بەردەستدان، 700 کەس لە چەکدارانی داعش بۆ شەڕ و هێرشی دووبارە لە سەر خاکی عێراق و ناوچەکانی نێوان پارێزگاکانی سەلاحەدین و نەینەوا، جێگیر کراون.
بە گوتەی پارێزگاری پێشووی عێراق، چەکدارانی داعش لە گەڵ سەرکردایەتی ئەم رێکخراوە لە سوریا، لە پەیوەندیدان و سەرباری ئەم 700 کەسە، خاوەنی کۆمەڵێک شانەی نوستوون لە شارە جیاجیاکانی عێراق.
نوجەیفی جەختیش دەکاتەوە، کە ژیانی داعش گرێدراوی قەیرانەکانە و ئەم رێکخراوە بە هۆی قەیرانەکانەوە، رووحێکی تازەی وەبەر دەکرێ.
پارێزگاری پێشووی نەینەوا هەروەها دەڵێت “جۆری شەڕ و پێکدادان و ئامانجەکانی لای داعش گرنگ نییە، ئەوەی گرنگە چالاکی و بەردەوامی ئەم رێکخراوەیە لە هەلومەرجێکی نوێدا”.
