نوچەنێت-تسنیم
وەزارەتی نەوتی هیند داوای لە پاڵاوگەکانی ئەم وڵاتە کردووە خۆیان بۆ گەمارۆکانی سەر ئێران ئامادە بکەن و بیر لە جێگرەوە بۆ نەوتی ئێران بکەنەوە.
ئەم هەواڵە لە کاتێکدایە کە ئەمریکا دەڵێت لە مانگی نۆڤەمبەرەوە هاوردەکردنی نەوتی ئێران دەبێ لە لایەن کڕیاران و هاوپەیمانانی واشنتۆن بگاتە کەمترین ئاستی خۆی.
ئاژانسی هەواڵی رۆیتەرز ئەم داوایەی وەزارەتی نەوتی هیند بە ئاماژەی دادەنێ، کە بەو پێیە هیند لە ژێر گوشار و داوای واشنتۆن، پەیوەندی بازرگانی خۆی لە گەڵ ئێران دادەخات.
هیند پێشتر رایگەیاندبوو، کە گەمارۆکانی ئەمریکا بە شێوەی یەکلایەنە رەتدەکاتەوە و لە بەرامبەردا پابەندی گەمارۆکانی ئەنجومەنی ئاسایش دەبێت.
هیند لە دوای چین، دووەمین کڕیاری نەوتی ئێران هەژمار دەکرێ، کە پەیڕەوی لە بڕیارەکەی واشنتۆن دەکات.
