نوچەنێت-ئێکسپرێس
راوێژکاری ئەڵمانیا بەر لە دەستپێکی کۆبوونەوەی لووتکەی یەکێتی ئەوروپا لە برۆکسێل، هۆشداری لە بارەی ئایندەی ئەم یەکێتییە دەدات و دەڵێت “داهاتووی یەکێتی ئەوروپا گرێ دراوە بە چارەسەری قەیرانی پەنابەران.
ئانجێلا مێرکل، راوێژکاری ئەڵمانیا، ئەمڕۆ پێنجشەممە لە پەرلەمانی وڵاتەکەی گوتارێکی پێشکەش کرد و گوتی: ئەوروپا لە گەڵ کۆمەڵێک گرفت بەرەوڕوویە، بەڵام ئەو کێشانەی، کە پەیوەستن بە قەیرانی پەنابەری، رەنگە ئایندەی یەکێتی ئەوروپا بخاتە ژێر کاریگەری و مەترسییەوە.
مێرکل هەروەها خوازیاری رێکاری هەمەلایەنە بۆ چارەسەری قەیرانی پەنابەرانە و جەختی لە سەر هەڵوێستی و رێکاری هاوبەشی وڵاتانی ئەنجام لەم یەکێتییە کردەوە.
راوێژکاری ئەڵمانیا جەختیشی لە سەر چارەسەری قەیرانی پەنابەران کردەوە و گوتیشی “تەنها چارەسەر ئەوەیە، کە بەم رێگەوە نیشان بدەین خاوەنی بەها و روانگەی هاوبەشین، بەڵام ئەگەر ئەمە ڕوونەدات، بەهاکانمان لە ژێر پرسیاردایە.
