نوچەنێت-افق
وەزیری بەرگری ئەمریکا بە سەردانێکی چاوەڕواننەکراو گەیشتە کابۆلی پایتەختی ئەفغانستان.
جەیمز ماتیس، وەزیری بەرگری ئەمریکا، ئەمڕۆ ٢٦-٦-٢٠١٨، بە سەردانێکی چاوەڕواننەکراو گەیشتە کابۆل.
بڕیارە لەم سەردانەی بۆ ئەفغانستان، ماتیس لە گەڵ ئەشرەف غەنی، سەرۆککۆمار و عەبدولڵا عەبدولڵا، سەرۆکی جێبەجێکاری دەوڵەتی یەکگرتووی ئەم وڵاتە، کۆبێتەوە.
لە بەشێکی دیکەی سەردانەکە، وەزیری بەرگری ئەمریکا بڕیارە لە گەڵ جۆن نیکلسۆن، فەرماندەی گشتی هێزەکانی ئەمریکا و ناتۆ لە ئەفغانستان، دیدار و گفتوگۆ بکات.
ماتیس بەر لە سەردانەکەی ئەمڕۆی، گوتبووی دەرفەتەکانی بەردەم ئاشتی لە نێوان تاڵیبان و دەوڵەتی ئەفغانستان تاوتوێ دەکات.
