نوچەنێت-ئاژانسەکان
سەرۆکی ئەمریکا دەڵێت، دوای کشانەوەی وڵاتەکەی لە رێککەوتنی مەترسیداری ئەتۆمی، رۆژهەڵاتی ناوەڕاست پێشکەوتنی زۆری بە خۆوە بینیوە.
دۆناڵد تەمپ، سەرۆکی ئەمریکا، دوای دیدار و کۆبوونەوەی لە گەڵ شای ئۆردن و لە میانی کۆنفڕانسێکی رۆژنامەوانیدا گوتی: دوای کشانەوەیان لە رێککەوتنی ئەتۆمی، ناوچەکە دۆخێکی تازە ئەزموون دەکات.
سەرۆکی ئەمریکا، لە وەڵامی پرسیارێک دەربارەی رەوتی گفتوگۆکانی ئاشتی لە نێوان ئیسرائیل و فەلەستینیەکان، گوتی: ئێمە لە رۆژهەڵاتی ناوەراست هەنگاوی باشمان ناوە.
بە گوتەی سەرۆکی ئەمریکا، ئەم دۆخە جیاوازە، ئەنجامی کشانەوەی ئەمریکایە لە رێککەوتنی ئەتۆمی لە گەڵ ئێران.
