نوچەنێت-رۆیتەرز
وەزیری دەرەوەی تورکیا، باس لە دەستپێکی کشانەوەی هێزەکانی یەپەگە لە شاری ستراتیژی مینبەج دەکات و دەڵێت “لە سەرەتای مانگی داهاتوو ئەم پاشەکشەیە دەستپێدەکات”.
مەولود چاوش ئۆغڵو، وەزیری کاروباری دەرەوەی تورکیا، ئەمڕۆ (پێنجشەممە ٢١-٦-٢٠١٨) لە چاوپێکەوتن لە گەڵ کەناڵی هەواڵی سی.ئێن.ئێن تورک، گوتی: شەڕڤانانی یەپەگە لە چواری مانگی جولای، لە شاری مینبەج دەکشێنەوە.
وەزیری دەرەوەی تورکیا جەختیشی کردەوە، کە نەخشەڕێگای هاوبەشی وڵاتەکەی و ئەمریکا، کە بە رێککەوتن ئامادە کراوە، بە تەواوی دەخرێتەوە بواری جێبەجێکردنەوە.
ئەم لێدوانەی چاوش ئۆغڵو لە کاتێکدایە، کە ئەنقەرە و واشنتۆن سەرەتای ئەم مانگە گەیشتنە رێککەوتنێکی سەرەتایی، کە بەو پێیە یەپەگە شاری مینبەج جێبهێڵی و لە قۆناغی دواتردا هێزەکانی دوو وڵاتە پاراستنی ئاسایش و سەقامگیری شارەکە لە ئەستۆ بگرن.
