نوچەنێت: تایبەت
لەسەر ڕێگای نێوان کەسنەزان – ھەولێر، کەسێک بە فیشەک کوژرا و گوتەبێژی پۆلیسی هەولێر رووداوەکە پشتڕاست دەکاتەوە و دەڵێت “سەرقاڵی لێکۆڵینەوەین”.
لە لێدوانێکی تایبەت بە نوچەنێت، هۆگر عەزیز، گوتەبێژی پۆلیسی ھەولێر، لەبارەی رووداوی کوشتن ئەمڕۆ لە هەولێر راگەیاند “پێش نیوەڕی ئەمڕۆ پێنجشەممە 21-6-2018، لەسەر ڕێگای کەسنەزان کەسێک بە فیشەک کوژراوە”. گوتیشی “ئێستا خەریکی لێکۆڵینەوەین لە ڕووداوەکە و ناتوانین زانیاریی زیاتر ئاشکرا بکەین.
بەگوێرەی زانیارییەکان، بکوژەکە دوای ئەنجامدانی تاوانەکەی لە شوێنەکە ڕۆیشتووە و ھێزە ئەمنییەکانیش لە لێکۆڵینەوە بەردەوامن.
