نوچەنێت
لە دوای بڕیاری دەستگیرکردنی رێبوار تاڵەبانی، سەرۆکی ئەنجومەنی پارێزگای کەرکوک بە وەکالەت، بڕیاری دەستگیرکردنی پارێزگاری لەکارلادراوی کەرکوک-یش درا.
لە بڕیارێکدا، کە بەرواری 23-5-2018ی لەسەر، دادگای کەرکوک، بڕیاری دەستگیرکردنی بۆ نەجمەدین کەریم، پارێزگاری لەکارلادراوی کەرکووک دەرکرد. بڕیارەکەی دادگای کەرکوک بەهۆی پڕۆژەی ھەڵۆی کەرکوک -ـە و تۆمەتی ساختەبوونی پڕۆژەکەی خستووەتە ئەستۆی نەجمەدین کەریم.
هەروەها لە بڕیارەکەی دادگای کەرکوک، کە دادوەر سەباح محەممەد، بڕیاری دەستگیرکردنەکەی واژۆ کردووە هاتووە: دەست بەسەر موڵک و ماڵیشیدا بگیرێت.
دادوەر سەباح محەمەد، هەمان ئەو دادوەرەیە، کە هەفتەی رابردوو بڕیاری دەستگیرکردنی بۆ رێبوار تاڵەبانی، سەرۆکی ئەنجومەنی پارێزگای کەرکوک دەرکرد.
