فەرهاد پیرباڵ لە ئێوارەیەكی هونەریدا
نوچەنێت . سڤیل
لەئێوارەیەكی هونەریدا لەهەولێر د. فەرهاد پیرباڵ نوێترین كاری خۆی پێشكەش دەكات.
رۆژی شەممە 1/12/2012 كاتژمێر 4 ی ئێوارە گۆڤاری سڤیل, ئێوارەیەكی هونەری بۆ د. فەرهاد پیرباڵ لە هۆڵی میدیای شاری هەولێر ساز دەكات. لەو ئێوارەیەدا فەرهاد پیرباڵ كۆمەڵێك كاری نوێ پێشكەش دەكات.
لەم بارەوە بێستون نوری, سەرنوسەری (سڤیل) رایگەیاند, كە لە چوارچێوەی كار و چالاكییەكانی گۆڤاری (سڤیل)دا, ئەم ئێوارە هونەرییە بۆ نوسەر و رووناكبیر د. فەرهاد پیرباڵ ساز دەكەین و بەردەوامیش دەبین لەسازكردنی ئەم جۆرە كارانە بەئامانجی بەشداربوونی زیاترمان لەخزمەتكردنی بواری رۆشنبیری و كولتووریدا.
