نوچەنێت: تایبەت
وەزیری دارایی و ئابووری حكومەتی هەرێم رەزامەندی نیشاندا لەسەر بەردەوامیدان بە خەرجكردنی كرێی خوێندنی ماستەر و دكتۆرا، وەزارەتی خوێندنی باڵا-ش دەڵێت “ئاگاداری ئەو یریارە نین”.
لە لێدوانێکی تایبەت بە نوچەنێت، عەباس ئەکرەم، گوتەبێژی وەزارەتی خوێندنی باڵا و توێژینەوەی زانستی لەبارەی بڕیاری وەزارەی دارای بۆ خەرجکردنی کرێی خوێندنی ماستەر و دکتۆرا، رایگەیاند “وەک وەزارەت لەو بڕیارە ئاگادار نەکراوینەتەوە.
دەقی روونکردنەوەکەی راگەیاندنی وەزارەتی دارایی ئابووری:
لەسەر راسپاردەی بەڕێز سەرۆكی حكومەتی هەرێم دوێنێ دووشەممە ٧-٥-٢٠١٨، رێباز حەملان، وەزیری دارایی و ئابووری حكومەتی هەرێم رەزامەندی نیشاندا لەسەر بەردەوامیدان بە خەرجكردنی كرێی خوێندنی ماستەر و دكتۆرا، لە چوارچێوەی رێنمایی دارایی ژمارە ٣٨، بە گوێرەی لیستەكانی لیژنەی تایبەتمەند و بە رەچاوكردنی دۆخی دارایی هەرێم.
راگەیاندنی وەزارەتی دارایی و ئابووری
٨-٥-٢٠١٨
