نوچەنێت
بەگوێرەی پێشبینیەكانی بەڕیوەبەرایەتی کەشناسی و بومەلەرزەزانی هەرێم، بارانبارین لە ناوچەكانی باشوری كوردستان بەردەوام دەبێت، لە ھەندێك شوێن بە لێزمە باران دەبێت.
بەڕێوەبەرایەتی كەشناسی و بومەلەرزەزانی ھەرێمی كوردستان، راپۆرتی پێشبینیەكانی بۆ كەشوھەوای ئەمڕۆ و سبەی بڵاوكردەوە. و بەپێی پێشبینیەكان ئەمڕۆ ئاسمانی ناوچەكانی باشووری كوردستان ھەور و باران دەبێت و لە ھەندێ شوێنی جیاواز باران بە لێزمە دەبارێت و هەورە تریشقەی لەگەڵ دەبێت.
شەوی رابردوو، باران بارینێكی بەخوڕ سەرجەم ناوچەكانی گرتەوەو پێشبینی دەكرێت دوای نیوەڕۆی ئەمڕۆ دووبارە بێتەوە.
لە پارێزگاکانی هەولێر و دهۆک، ئەگەرەكانی بەرزبوونەوەی ئاستی ئاو ماوەو ئەگەری هەستانی لافاو دەکرێت.
