نوچەنێت
لە شارۆچكەی رزگاری لە سنووری گەرمیان، گەنجێک لەگەڵ دوو هاوەڵی لەسەر یاریی دۆمینە دەبێتەشەڕیان و دوو هاوەڵەکەی دەیدەنە بەر چەقۆ و دەیکوژن.
رائید عەلی جەمال قەدووری، گوتەبێژی پۆلیسی گەرمیان بە رووداوی راگەیاندووە”کاتژمێر ١٠ شەوی ٣-٥-٢٠١٨ دوو گەنج دەبێتە دەمەقاڵێیان لەگەڵ گەنجێكی دیکە، دواتر دەیدەنە بەر چەقۆ، بەهۆی سەختی برینەكەیشیەوە گەنجەکە گیانی لەدەستدا”.
قەدووری گوتیشی “گەنجە كوژراوەكە ناوی ئارام قادر مەجیدە، لەدایكبووی ساڵی ٢٠٠٠، دوێنێ شەو بۆ دووەمین جار لەسەر یاری دۆمینە لەگەڵ هاوڕێكانی بەشەڕ هاتوون و هاوڕێکانی کوشتوویانە”. هەروەها هەردوو تۆمەتبار بەپێی مادەی ٤٠٦ واتا بە كوشتنی بە ئەنقەست لە یاسای سزادانی عێراقی، دەستگیركراون.
