نوچەنێت
کەمێک پێش ئێستا حەیدەر عەبادی، سەرۆکوەزیرانی عێراق گەیشتە هەولێر و لەلایەن سەرۆکوەزیرانی هەرێمی کوردستانەوە پێشوازی لێکرا.
رۆژی چوارشەممە ٢٥-٤-٢٠١٨، حەیدەر عەبادی، سەرۆکوەزیرانی عێراق، بۆ بانگەشەی هەڵبژاردن بۆ لیستەکەی لە هەڵبژاردنی پەرلەمانی عێراق، هاوپەیمانی نەسر شەوی ڕابردوو سەردانی سلێمانی کرد و بڕیارە لە بانگەشەی لیستەکەیدا لە هەولێر و دهۆکیش بەشداری بکات.
نێچیرڤان بارزانی، سەرۆکوەزیرانی هەرێمی کوردستان بە فەرمی پێشوازیی لە حەیدەر عەبادی کردووە و بڕیارە لە کۆبوونەوەیەکدا لەبارەی هەندێ پرسی پەیوەندیدار بە هەرێمی کوردستان و عێراق گفتوگۆ بکەن.
هەتا ئێستاش دیار نییە، کە عەبادی لە هەولێر سەردانی بەرپرسانی دیکەی هەرێمی کوردستان دەکات یان نا.
