نوچەنێت-رۆیتەرز
سەرۆکی ئەمریکا و سەرۆکوەزیرانی عێراق، وێڕای جەخت کردن لە سەر گرنگی هەڵبژاردنەکانی پەرلەمانی داهاتووی عێراق، دوایین گۆڕانکاریەکانی سوریا-یان تاوتوێ کرد.
نوسینگەی حەیدەر عەبادی، رایگەیاند، سەرۆکوەزیرانی عێراق پەیوەندی بە بە دۆناڵد ترەمپەوە کردووە و لەبارەی هەڵبژاردنەکانی عێراق و دوایین گۆڕانکاریەکانی ناوچەکە و سوریا، گفتوگۆیان کردووە.
راگەیێندراوەکەی نوسینگەی سەرۆکوەزیرانی عێراق دەڵێت، عەبادی و ترەمپ ، شەڕی دژ بە داعش و سەرکەوتنەکانی سوپای عێراق و پشتیوانی هێزەکانی هاوپەیمانانیان بەرز نرخاندووە.
بە گوێرەی راگەیێندراوەکەی نوسینگەی عەبادی، هەردوو لا جەختیان لە سەر بنەبڕکردنی داعش و ئەنجامدانی سەرکەوتوانەی هەڵبژاردنەکانی داهاتووی عێراق و قۆناغی ئاوەدانکردەوەی کردۆتەوە.
لە لایەکی دیکەوە، کۆشكی سپی لەبارەی ئەم گفتوگۆ تەلەفۆنیەی عەبادی و ترەمپ دەڵێت، هێرشی کیمیایی بۆ سەر خەڵکی مەدەنی دوما، تەوەرێکی دیکەی ئەم گفتوگۆیە بووە..
