نوچەنێت
وەزارەتی دەرەوە و باڵیۆزی ئەمریکا، بەهۆی کۆچی دوایی دلۆڤان بارزانی، پرسە و سەرەخۆشی ئاراستەی نێچیرڤان بارزانی، سەرۆکوەزیرانی هەرێمی کوردستان دەکەن.
دلۆڤان بارزانی، برای نێچیرڤان بارزانی سەرۆکی حکومەتی هەرێمی کوردستان، رۆژی ٢-٤-٢٠١٨، بەهۆی جەڵتەی دڵ کۆچی دوایی کرد.
وەزارەتی دەرەوەی ئەمریکا پەیامی هاوخەمی بۆ نێچیرڤان بارزانی دەنێرێت و تێیدا هاتووە”بەناوی ویلایەتە یەکگرتووەکانی ئەمریکا و، تیمەکانمان لە بەغدا و هەولێر، بەهۆی کۆچی دوایی دلۆڤان بارزانی برای، پرسە و سەرەخۆشی خۆمان ئاراستەی نێچیرڤان بارزانی و خانەوادەکەی دەکەین”.
هاوکات دۆگلاس سیلیمان، باڵیۆزی ئەمریکا لە بەغدا لە پەیامێکدا دەڵێت “بەبۆنەی کۆچی دوایی دلۆڤان ئیدریس بارزانی، پرسە و سەرەخۆشی خۆم ئاراستەی نێچیرڤان بارزانی و هەموو خانەوادەکەی دەکەم”.
