نوچەنێت:تایبەت
بڕیاردەری لیژنەی کشتوکاڵ پەپەرلەمانی کوردستان رایدەگەیەنێت، دەستکراوە بە دابەشکردنی چەکی پارەی گەنمی جوتیارانی ٢٠١٧ پارێزگای هەولێر و ،چەکی پارەکە بەشێوەی نەقدییە.
لە لێدوانێکی تایبەت بەنوچەنێت، زیاد حسێن، بریارده‌ری لیژنه‌ى كشتوكاڵ و ئاودێری لە پەرلەمانی کوردستان، لە بارەی پارەی گەنمی جوتیارانی هەرێم رایگەیاند”دابەشکردنی چەکی پارەی گەنمی جوتیارانی ٢٠١٧ی هەرێمی کوردستان، لە پارێزگای سلێمانی و دهۆک کۆتایی هاتووە. لە ئێستا دا دەستکراوە بە دابەشکردنی چەکی پارەی گەنمی جوتیارانی پارێزگای هەولێر”.
بریارده‌ری لیژنه‌ى كشتوكاڵ ئاماژە بەوەش دەکات، کە سەرجەم چەکی پارەی گەنمی جوتیارانی ٢٠١٧ ی هەرێم بەشێوەی نەقدییە و هەمووی پارەیە.
زیاد حسین دەڵێت”ئەو پارەیەی کە لای حکومەتی عێراقی ماوە، حکومەتی عێراق لە ٢٠% ی ٢٠١٦ و لە ٣٠% ی ٢٠١٥ ی پارەی گەنمی جوتیارانی هەرێمی کوردستان و ، هەروەها نزیکەی ٣ملیار دیناری ٢٠١٤ شی بڕیووە”.
