نوچەنێت: تایبەت
بە هەردوو دانیشتنی رۆژی چوارشەممە و پێنجشەممەی پەرلەمانی كوردستان، چوار ماددە لە پڕۆژەیاسای چاكسازی لە خانەنشینی و موچە و دەرماڵەی موچەخۆران، پەسند كران و درێژەی دانیشتنەكەش بۆ هەفتەی داهاتوو دواخرا.
لە لێدوانێکی تایبەت بەنوچەنێت، فەرحان جەوهەر ئەندامی فراکسیۆنی پارتی لەپەرلەمانی کوردستان، لە بارەی کۆبوونەوەکانی پەرلەمان لەسەر پڕۆژەیاسای چاکسازی رایگەیاند” گفتۆگۆکان لەسەر پڕۆژەیاسای چاکسازی لە خانەنشینی و موچە و دەرماڵەی موچەخۆران، بەشێوەیەکی باش بەڕێوەدەچێ و سێ بەشی تەواو بووە”.
فەرحان جەوهەر دەڵێت”تا ئێستا چوار ماددە لە پڕۆژەیاساکە پەسەندکراوە، رەنگە لەهەفتەی داهاتوودا تەواوی مادەکانی پڕۆژەیاساکە پەسەندبکرێت”.
