نوچە-الجزیرە
ئەنجومەنی ئاسایشی نەتەوەیەکگرتووەکان، لە سەر داوای روسیا، بڕیارە ئەمڕۆ پێنجشەممە،٢٢٧ فێریوەر کۆبوونەوەیەکی نائاسایی پێکبهێنێ و تاتوێی دۆخی غوتەی رۆژهەڵاتی دیمەشق بکات.
ئەنجومەنی ئاسایش لە کاتێکدا کۆدەبێتەوە، کە هەر یەک لە وڵاتانی فەڕەنسا، ئیتاڵیا، سوید و میسر داوای ئاگربەستی بەپەلەی مرۆیی دەکەن بۆ ناوچەکە.
شەوی رابردوو، ئیمانۆئێل ماکرۆن ،سەرۆکی فەڕەنسا، گوتی، پاریس خوازیاری ئاگربەستی بەپەلەی مرۆییە بۆ ناوچەی غوتەی رۆژهەڵات. دۆخی ناوچەکە قەیراناوییە و بۆ دەربازبوونی خەڵکی مەدەنی ناوچەکە، ئەم ئاگربەستە دەبێ دەستبەجێ بێتە ئاراوە.
