نوچەنێت
ئەمڕۆ (هەینی ١٦-٢-٢٠١٨) كۆنفرانسی ئاسایشی میونشن بە بەشداری شاندی حكومەتی هەرێمی كوردستان و راوێژكاری ئەنجومەنی ئاسایشی هەرێمی کوردستان دەستیپێكرد.
لە سەرەتادا ڤولفگانگ ئیشنگەر، سەرۆکی کۆنفرانس گوتاری کردنەوەی کۆنفرانسی پێشكەش كرد و داوتر وەزیری بەرگریی ئەڵمانیا وتارێك پێشكەش دەكات.
هەروەها لەم كۆنفرانسەدا نێچیرڤان بارزانی سەرۆكی حكومەت و مەسرور بارزانی راوێژكاری ئەنجومەنی ئاسایشی هەرێمی کوردستان بەشدارن.
ئەم کۆنفرانسە ٥٤مین کۆنفرانسی ئاسایشی میونشن لە وڵاتی ئەڵمانیایە و کۆنفرانسەکە بە بەشداری نزیکەی ٦٠٠ سەرۆک، سەرکردە، سیاسەتوان، پەرلەمانتار و وەزیر و بەرپرسی جیهان ماوەی سێ رۆژ بەردەوامدەبێت و تێیدا باسی چەندین تەوەر دەکرێت.
لە نێو ئامادەبوواندا، سکرتێری گشتی رێکخراوی نەتەوە یەکگرتووەکان، سکرتێری رێکخراوی ناتۆ، وەزیری بەرگریی ئەڵمانیا، ئەمیری قەتەر، سەرۆکی ئۆکراینا و جێگری سەرۆکی پێشووی ئەمریکا بەشدارن.
