نوچەنێت
حکومەت و پەرلەمان و کۆمسیۆنی باڵای هەڵبژاردن و راپرسی لە هەرێمی کوردستان، بەمەبەستی دیاریکردنی رۆژی هەڵبژاردن لە کۆبوونەوەدان.
ساڵی رابردوو، نێچیرڤان بارزانی، سەرۆکی ئەنجومەنی وەزیرانی حکومەتی هەرێمی کوردستان، نامەیەکی ئاراستەی پەرلەمان کرد و داوایکرد لە ماوەی سێ مانگدا هەڵبژاردنەکان بەڕێوەبچن.
ئەمڕۆ چوارشەممە ٧-٢-٢٠١٨، کاتژمێر ٩ی بەیانی، شاندێکی باڵای حکومەت بە سەرۆکایەتی نێچیرڤان بارزانی، گەیشتە پەرلەمان و لەگەڵ پەرلەمان و کۆمسیۆن بۆ دیاریکردنی وادەی هەڵبژاردنەکان لە کۆبوونەوەدان.
بڕیارە لە کۆبوونەوەکەدا، گفتوگۆ لەبارەی وادەی بەڕێوەچوونی هەڵبژاردنەکانی کوردستان بکرێت، بە ئامادەبوونی سەرۆک فراکسیۆنەکان، گفتوگۆ لەبارەی ئاستەنگەكانی بەردەم هەڵبژاردن و پاكکردنەوەی تۆماری دەنگدەران دەكرێت، چاوەڕواندەکرێ وادەی هەڵبژاردنیش دیاریبکرێت.
