نوچەنێت-هەولێر
راپۆرتێکی نوێی (نێوەندی ئەمریکی بۆ توێژینەوەی ستراتیجی و نێودەوڵەتی) ریزبەندی وڵاتان و شارەکانی جیهانی دیاریکردووە. بەپێی ئەو کردە تێرۆریستییانەی لە چوار ساڵی رابردوو تێیاندا روویانداوە.
لە ریزبەندی وڵاتاندا، عێراق یەکەمین وڵاتی جیهانە لە ئەنجامدرانی کردەی تیرۆریستیدا ، لەبەرئەوەی کە لە چوار ساڵی رابردوو، ١٠ هەزار کردەوەی تیرۆریستی تێیدا روویانداوە.
لەنێوان شارەکانیشدا، بەغدا پلەی یەکەم و موسڵ پلەی سێیەمیان وەرگرتووە لەسەر ئاستی جیهان، بەوەی لە بەغدا ٢٩٠٠ کردەی تیرۆریستی و لە موسڵ ٨٠٦ کردەی تیرۆریستی روویانداوە.
پێنج وڵاتی یەکەمی ریزبەندییەکە ئەمانەن:
١-عێراق:٢٩٠٠ کردەی تیرۆریستی
٢-پاکستان: ٧٢٠٠ کردەی تیرۆریستی
٣-ئەفغانستان: ٦٦٠٠ کردەی تیرۆریستی
٤-هیندستان: ٣٠٠٠ کردەی تیرۆریستی
٥-فلیپین: ٢٢٠٠ کردەی تیرۆریستی
ریزبەندی شارەکانیش لەسەر ئاستی جیهان بەمجۆرەیە:
بەغدا: ٢٩٠٠ کردەی تیرۆریستی
کەراچی: ١٠٠٠ کردەی تیرۆریستی
موسڵ: ٨٠٦ کردەی تیرۆریستی
مەقادیشۆ:٦٦٨کردەی تیرۆریستی
