نوچەنێت-هەولێر
موزاحم حوێت، وتەبێژی هۆزە عەرەبییەکانی نەینەوا، بە توندی رەخنە لەو بڕیارەی راکان جبووری پاریزگارە عەرەبەکەی کەرکووک ،دەگرێ بۆ روخاندنی دوو گەڕەکی کوردی لە کەرکوک و دەڵێ هاوشێوەی کردەوەکانی عەلی کیمیاییە.
موزاحم حوێت هەروەها دەڵێ “ئێمە وەکوو هۆزە عەرەبییەکانی نەینەوا هۆشدری دەدەینە پاریزگاری بە وەکالەتی کەرکووک ، سەبارەت بەم کارەی، چونکە هاوشیوەی سەرانی رژێمی دیکتاتۆری دەیکاتە سەرجاوەی فینتنەگێڕی لەنێوان کورد و عەرەب”.
حویت وتیشی “لەسەر حکومەتی عێراق و هاوپەیمانیی نێودەوڵەتی و رێکخراوە جیهانییەکانە دژی کاری لەم جۆرە بوەستنەوە، کە دەرهەق بە کوردی کەرکوک ئەنجامدەدرێ، بە تایبەت مەسەلەی هەوڵی راگواستنی دانیشتوانی هەردوو گەڕەکی نەورۆز و کوردستان”.
حویت دەڵێ ئەگەر راکان جبووری واز لەم کارە نەهێنێ، ئەوە ئێمە بە هەوڵێکی دادەنێین بۆ درووستکردنی جەنگی نێوان عەرەب و کورد، داوایشی لە هۆزە عەرەبییەکانی کەرکووک کردووە دژی ئەم کارە بوەستنەوە.
