نوچەنێت
فراكسیۆنە كوردستانییەكان لە پەرلەمانی عێراق، وێڕای ئیدانەی هێرشەکانی سەر عەفرین، داوا لە كۆمەڵگەی نێودەوڵەتی و ئەنجومەنی ئاسایشی نێودەوڵەتی و وڵاتانی ناوچەكە دەكەن، رۆڵی خۆیان بگێڕن لە ھێوركردنەوەی بارودۆخەكە و راگرتنی ھێرشەكان.
ئەمڕۆ ٢١-١-٢٠١٨، لە كۆنگرەیەكی رۆژنامەوانیدا فراكسیۆنە كوردستانییەكان لە پەرلەمانی عێراق، رایانگەیاند: زۆر بە توندی ئیدانەی ئەو ھێرشە دڕندانەی سوپای توركیا بۆ سەر عەفرین و ناوچەكانی دەوروبەری دەكەین. داوا لە كۆمەڵگەی نێودەوڵەتی و ھاوپەیمانان و ئەنجومەنی ئاسایشی نێودەوڵەتی و وڵاتانی ناوچەكە دەكەین، رۆڵی خۆیان لە ھێوركردنەوەی بارودۆخەكە و مەترسییەكانی سەر عەفرین، بگێرن و بە ھەند وەری بگرن، لەبەر ئەوەی تێكدانی ئەمن و ئاسایش لە رۆژئاوای كوردستان، دەبێتە ھۆی تێكچوونی بارودۆخی تەواوی ناوچەكە بە گشتی”.
فراكسیۆنە كوردستانییەكان، هاوکات داوا لە تورکیا دەکەن “بە سیاسیەتی خۆیدا بچێتەوە و ھەر كێشە و گرفتێك ھەبێت، بە دانوستان لەگەڵ ئەو ھێزانەی رۆژئاوای كوردستان چارەسەری بكەن، چونکە ئەو ھێزانە قوربانی زۆریانداوە بۆ تێكشكاندنی داعش لە ناوچەكە”.
