نوچەنێت
مەسعود بارزانی، نیگەرانی لەئۆپەراسیۆنەكانی سوپای توركیا بۆ سەر عەفرین دەربڕیو داوای راگرتنی ئۆپەراسیۆنەكان دەکات.
ئەمڕۆ دوو شەممە ٢٢-١-٢٠١٨، مهسعود بارزانی پەیامێكی بڵاوكردووەتەوە، تێدا دەڵێت “بەهێرشو بوردمانەكانی سوپای توركیاو چەند لایەنێكی تر بۆ سەر شاری عەفرین و گیانلەدەستدان و قوربانیبوونی خەڵكی سڤیلی ئەو شارە، زۆر نیگەرانین”.
مەسعود بارزانی هیوای راگرتنی هێرشەکان دەخوازێت”هیوادارین بە زووترین كات ئەو پەلامارانە ڕاوەستنو گیانی هاووڵاتیان پارێزراو بێت. چیتر لەوە زیاتر تەشەنە نەكات و كارەساتو دەرئەنجامی خەراپی لێ نەكەوێتەوە”.
دەقی راگەیاندنەکەی بارزانی:
بەناوی خودای بەخشندە و میهرەبان
بە هێرش و بوردمانەكانی سوپای توركیا و چەند لایەنێكی تر بۆ سەر شاری عەفرین و گیانلەدەستدان و قوربانیبوونی خەڵكی سڤیلی ئەو شارە، زۆر نیگەرانین.
هیوادارین بە زووترین كات، ئەو پەلامارانە ڕاوەستن و گیانی هاووڵاتیان پارێزراو بێت و چیتر لەوە زیاتر تەشەنە نەكات و كارەسات و دەرئەنجامی خەراپی لێ نەكەوێتەوە. بەپێی هەموو ئەزمونەكانی ناوچەكە، بە شەڕ و توندوتیژی قەیران و كێشەكان قووڵتر و فراوانتر دەبن. باشترین ڕێگە ئەوەیە بە شێوازی ئاشتیانە چارەسەری قەیران و كێشەكانی ناوچەكە بكرێت.
مسعود بارزانی
