نوچەنێت
سەرۆكی فراكسیۆنی یەكێتی لە پەرلەمانی عیراق رایدەگەیەنێت، لە كۆبوونەوەی سەرجەم سەرۆك فراكسیۆن و دەستەی سەرۆكایەتی پەرلەمان، بڕیاردرا لە دانیشتنی سبەی پەرلەمان وادەی ھەڵبژاردنی پەرلەمان لە ٢٠١٨/٥/١٢ پەسەند بكرێ.
ئهمڕؤ یهكشهممه ٢١-١-٢٠١٨، ئارێز عەبدوڵڵا سەرۆكی فراكسیۆنی یەكێتی لە پەرلەمانی عیراق، لە لاپەڕەی خۆی لە تۆڕی كۆمەڵایەتی فەیسبوك رایگەیاندووە، لە كۆبوونەوەی سەرجەم سەرۆك فراكسیۆن و دەستەی سەرۆكایەتی پەرلەمان، بڕیاردرا لە دانیشتنی سبەی پەرلەمان وادەی ھەڵبژاردنی پەرلەمان لە ٢٠١٨/٥/١٢ پەسەند بكرێ.
ناوبراو ئاماژەی بەوەكردووە، ئەو بەروارە دەستورییە و دادگای فیدراڵیش جەختی لەسەر كردۆتەوە، بەڵام دەبێت حكومەت تا ئەوكاتە بارودۆخی پارێزگا ئازادكراوەكان و كەركوك، دوزخورماتوو، خانەقین، شنگال، دەشتی نەینەوا ئاسایی بكاتەوە و ئاوارەكان بگەرێندرێنەوە شوێنەكانی خۆیان.
سەبارەت بە بەڵبژاردنی ئەنجومەنی پارێزگاكان، نوسیویەتی، دوو بۆچوون هەیە كە لەگەڵ پەرلەمان بكرێ، یاخود بۆ ماوەی شەش مانگ دوابخرێ، وا پێدەچێت هەڵبژاردنی ئەنجومەنی پارێزگاكان دوابخرێ.
