نوچەنێت
وەزارەتی دارایی حکومەتی هەرێمی کوردستان، موچەی ئەو هێزانەی پێشمەرگە دابەشدەکات، کە تاوەکو ئێستا موچەی مانگی ٩ یان وەرنەگرتووە.
ئەمڕۆ دووشەممە ١٥-١-٢٠١٨ نووسینگەی راگەیاندنی جەبار یاوەر، ئەمینداری گشتی وەزارەتی پێشمەرگە لە روونکردنەوەیەکدا رایگەیاند”پاش هەوڵ و بەدواداچوونی سات بە ساتی وەزارەتی پێشمەرگە لەگەڵ وەزارەتی دارایی حکومەتی هەرێمی کوردستان، سبەی سێشەممە ١٦-١-٢٠١٨ موچەی دیوانی وەزارەتی پێشمەرگە، هێزەکانی٧٠ و ٨٠ و تەواوی ئەو هێزانەی تائێستا موچەیان وەرنەگرتووە، دابەشدەکرێت”.
بەپێی ئەو خشتەیەی کە وەزارەتی دارایی رایگەیاندبوو، دەبوایە تاوەکو کۆتایی مانگی رابردوو موچەی مانگی ٩ ی تەواوی وەزارەت و دەستەکان دابەشبکرایە، بەڵام بەهۆی یەکلاییکردنەوەی رێژەی پاشەکەوتی موچەکانیان، دابەشکردنی دواکەوت.
