نوچەنێت
بەرێوەبەرایەتی ھاتوچۆی ھەولێر، لە کۆنگرەیەکی رۆژنامەوانیدا رایگەیاند، بە-بەراورد بە ساڵی رابردووروداوەکان زیادیان کردووە. لە ساڵی ٢٠١٧ دا ١٣٥٤ رووداو تۆمارکراون.
فازڵ حاجی حسێن وتەبێژی پۆلیسی ھاتوچۆی پارێزگای ھەولێر، لەکۆنگرەیەکی رۆژنامەوانی رایگەیاند ، لە ساڵی ٢٠١٧دا ١٣٥٤ رووداو رویداوە بەڵام لە ساڵی ٢٠١٦دا ١٢٦٣ رووداوهەبوو.
هەروەها ئاشکرایکرد، کە لەساڵی رابردوو ٢١٩کەس گیانیان لەدەستداوەو ١٤٣٧کەسیش برینداربوون، بەڵام لە ٢٠١٦ دا ٢١٥کەس مردوون و ١١٩١کەس برینداربوون.
فازڵ حاجی، سەبارەت بە دوا ئامارەکانی مۆڵەتی لێخوڕین گوتی، ٥٠٥ھەزارو ٢١٢ مۆڵەتە دراوە، لەم رێژەیە زیاتر لە ٥٠ یان لە رەگەزی مێن و کۆی گشتی ئۆتۆمبیلی تۆمارکراو ٧٠٥ھەزارو ٣٩٦ ئۆتۆمبیلەو ٤٦ھەزارو ٧٧٩ئۆتۆمبیل لەساڵی ٢٠١٧ تۆمارکراون ١٥١ ھەزارو ٤٥٠ سەرپێچی کامێراکانی چاودێری تۆمارکراون و کۆی سەرپێچیەکان ٣٢٩ھەزارو ٦٧٤ سەرپێچی بوە.
