نوچەنونێت
سەرۆکایەتیی پەرلەمانی کوردستان رایدەگەیەنێت، رۆژی چوارشەممەی داهاتوو، پەرلەمانی کوردستان کۆدەبێتەوە.
لە بانگهێشتنامەیەکدا، پەرلەمانی کوردستان کە رۆژی یەکشەممە ٣-١٢-٢٠١٧، بۆ سەرجەم ئەندامانی پەرلەمان نێردراوە دەڵێت”کاتژمێر ١١:٠٠ی پێشنیوەڕۆی رۆژی چوارشەممە ٦-١٢-٢٠١٧، کۆبوونەوەی پەرلەمانی کوردستان، بۆ دانیشتنی ژمارەی (٢) ی ئاسایی خولی پاییزە، ساڵی پێنجەم لە خولی هەڵبژاردنی چوارەمی پەرلەمانی کوردستان – عێراق بەڕێوەدەچێت”.
دوای دوو ساڵ لە وەستانی کارکردن لە پەرلەمانی کوردستان، کاتژمێر ٠٧:٠٠ ی شەوی ١٥-٩-٢٠١٧، کاراکرایەوە و بە سەرۆکایەتی جەعفەر ئیمینکی، جێگری سەرۆکی پەرلەمان کۆبونەوەیەکی نائاسایی ئەنجامدرا.
