نوچەنێت
پۆلیسی سلێمانی ئاشکرایکرد، شەوی رابردوو دوو کرێکاری بەرەگەز نیپاڵی لەکارگەیەکی ئاسندا گیانیان لەدەستداوە.
ئەمڕۆ سێشەممە ٢١-١١-٢٠١٧، پۆلیسی سلێمانی لەلاپەڕەی تایبەتی خۆی لە تۆڕی کۆمەڵایەتی فەیسبوک بڵاویکردەوە، لە كارگەی ئاسنی سۆپەرستیل، لە ناحیەی بازیانی سەربەپارێزگای سلێمانی، دوو كرێكاری بە رەگەز نیپاڵی كەوتنە خەزانی كارگەكە و بەو هۆیەوە گیانیان لە دەستدا و هاوکارێکی تریشیان برینداربووە و رەوانەی نەخۆشخانە کراوە.
پۆلیسی سلێمانی نوسیویەتی”دوای گەیشتنی هێزەكانی پۆلیس و تیمە فریاگوزارییەكان، تەرمەكانیان رەوانەی پزیشكی دادوەری شاری سلێمانی كرا، پەڕاوی لێكۆڵینەوەش بۆ رووداوەكە كراوەتەوە”.
