نوچەنێت-ئاژانسی هەواڵنێری فەرەنسا
سەرۆکوەزیرانی ئیسرائیل وێڕای جەخت کردنەوەی لە سەر پشتیوانی وڵاتەکەی بۆ داواکاری کوردەکان، داوای لە کۆمەڵگای نێودەوڵەتیش کردووە، کە گرنگی بە داهاتوو و ئاسایشی گەلی کورد بدرێت.
بنیامین نەتانیاهۆ، سەرۆکوەزیرانی ئیسرائیل لە میانەی گوتارێکدا، کە بە بۆنەی ساڵڕۆژی تیرۆری رهاوام زیوی، وەزیری پێشووی گەشتوگوزاری ئیسرائیل پێشکەشی کرد رایگەیاند: زیوی لە دەیەی ٦٠ی زایننی، بۆ راپەڕاندنی کاروباری پێسپێردراو سەردانی کوردستانی عێراق کردووە و چادوێری دروستکردنی پرۆژەی نەخۆشخانەیەکی سەحرایی کردووە، کە لە لایەن سوپای ئیسرائیلەوە بەڕێوەچووە.
نووسینگەی سەرۆکوەزیرانی ئیسرائیل لە زاری نەتانیاهۆ بڵاوی کردۆتەوە، کە ئەم وەزیرە لە ساڵی ٢٠٠١ و لە ئۆرشەلیم تیرۆر کراوە و یەکێک لەو کەسانە بووە، کە پشتیوانی راستەقینەی کوردی کردووە و هەستی هاوکاری کوردەکان ئێستاشی لە گەڵ بێت بەردەوامە.
نەتانیاهۆ جەختیشی کردۆتەوە، کە ئیسرائیل بەرامبەر بە ویست و داواکاری کوردەکان، هەست بە بەرپرسیارێتی دەکات و کۆمەڵگای نێودەوڵەتیش دەبێ گرنگی بە داهاتوو و ئاسایشی کوردەکان بدەن.
