نوچەنێت
وەزارەتى پەروەردە رایدەگەیەنێت، بۆ یارمەتیدانی ئاوارەکانی سەر بە پارێزگای کەرکوک و ناوچە کوردستانییەکانی دیکە و زەرەرمەندنەبوون و دوانەکەوتنیان لە خوێندن، پێویستە دەرگای قوتابخانەکان بە رووی منداڵەکانیاندا واڵا بکرێت.
ئەمشەو 18-10-2017 وەزارەتى پەروردەى حکوەتى هەرێمى کوردستان راگەیەندراوێکی لەبارەى وەرگرتنى خوێندکارە ئاوارەکانى پارێزگاى کەرکوک و ناوچە کوردستانییەکانى دەرەوەى ئیدارەى هەرێم بڵاوکردەوە و دەڵێت “لەم دۆخە تایبەتەی هەرێمی کوردستان و بۆ یارمەتیدانی ئاوارەکانی سەربە پارێزگای کەرکوک و ناوچە کوردستانییەکانی دیکە و زەرەرمەند نەبوون و دوانەکەوتنیان لە خوێندن، پێویستە دەرگای قوتابخانەکان بەڕووی منداڵەکانیاندا واڵا بکرێت، تا بەپێی تەمەن و ئاستیان لە نێو پۆلەکاندا جێگەیان بکرێتەوە”.
لەراگەیەندراوەکەدا ئەوەش هاتووە “بنەماڵە ئاوارەکانیش دەتوانن لە شوێنی نیشتەجێبوونی ئێستایان، منداڵەکانیان بگەیێننە نزیکترین قوتابخانە تا لە خوێندن دوا نەکەون و درێژە بە وانەکانیان بدەن”.
دەقی ئاگاداریەکە:
ئاگادارییەک لە وەزارەتی پەروەردە
بۆ سەرجەم بەڕێوەبەرایەتییە گشتییەکانی پەروەردەی (هەولێر و دهۆک و سلێمانی و هەڵەبجە و گەرمیان)
لەم دۆخە تایبەتەی هەرێمی کوردستان و بۆ یارمەتیدانی ئاوارەکانی سەر بە پارێزگای کەرکوک و ناوچە کوردستانییەکانی دیکە و زەرەرمەندنەبوون و دوانەکەوتنیان لە خوێندن، پێویستە دەرگای قوتابخانەکان بە ڕووی منداڵەکانیاندا واڵا بکرێت، تا بە پێی تەمەن و ئاستیان لە نێو پۆلەکاندا جێگەیان بکرێتەوە.
بنەماڵە ئاوارەکانیش دەتوانن لە شوێنی نیشتەجێبوونی ئێستایان، منداڵەکانیان بگەیێننە نزیکترین قوتابخانە تا لە خوێندن دوا نەکەون و درێژە بە وانەکانیان بدەن.
بەڕێوەبەرایەتی ڕاگەیاندنی
وەزارەتی پەروەردە
