نوچەنێت-رووداو
شرۆڤەکاری ئەمنی و سیاسی نزیک لە حکومەتی عێراق رایدەگەیەنێت، ئەوەی لە کەرکوک روودەدات بە هاوئاهەنگی نێوان بافل تاڵەبانی، کوڕی جەلال تاڵەبانی و قاسم سولەیمانییە.
هاشم هاشمی، شرۆڤەکاری ئەمنی و سیاسی و نزیک لە ناوەندی بڕیاری حکومەتی عێراقی لە پەیجی تایبەتی خۆی لە تۆڕی کۆمەڵایەتی فەیسبووک رایگەیاندووە “رێککەوتن کراوە کە کەرکوک لەژێر ئیدارەی حکومەتی ئیتیحادی بێت و ناوەندی شارەکەش ئیدارەیەکی هاوبەشی هەبێت، بەبێ هیچ رووبەڕبوونەوەیەکی سەربازی و بە چرای سەوزی ئەمریکا”.
هاشمی ئاماژەی بەوەشکردووە “کارەکە بە دیالۆگی نێوان هادی عامری و بافل تاڵەبانی و دانایی عەبادی و پیشەییبوونی یارەڵڵا و سەربازەکان و رژدبوونی قاسم ئەعرەجی لەسەر ئاسایشی دانیشتوانەکەی بووە”.
لەبارەی رۆڵی قاسم سولەیمانی، هاشم هاشمی رایگەیاندووە، قاسم سولەیمانی هاوئاهەنگی لەگەڵ بافل تاڵەبانی کردووە.
