نوچەنێت
جێگری سەرۆکی حکومەتی هەرێمی کوردستان رایدەگەیەنێت، جوڵەی هێزە عێراقییەکان بەرەو کەرکوک وێرانی لێدەکەوێتەوەو دەبێت ئەو پێشڕەویانە بووەستێندرێن.
شەوی رابردوو تاوەکو بەرەبەیانی هەینی 13-10-2017، پێشمەرگە لە سنوورەکان و خەڵکی کەرکوکیش لەنێو شار لە ئامادەباشیدا بوون بۆ هەر ئەگەرێکی نەخوازراو، دوای ئەوەی زانیاریی هەبوو، کە سوپای عێراق و چەکدارانی حەشدی شەعبی دەستیان بە جموجۆڵ کردووە لەسنووری کەرکوک و خورماتوو بەتایبەتی لە گوندەکانی بەشیر و تازە.
قوباد تاڵەبانی، جێگری سەرۆکی حکومەتی هەرێمی کوردستان، لە هەژماری تایبەتی خۆی لە تۆڕی کۆمەڵایەتی توویتەر نووسیویەتی “جوڵەی هێزی سەربازی عێراق بەرەو کەرکوک ململانێیەکی وێرانکەری لێدەکەوێتەوە”.
جێگری سەرۆکی حکومەتی هەرێمی کوردستان نووسیوویەتی “دەبێت دانایی زاڵبێت، پێشرەوییەکان بووەستێندرێن و، گفتوگۆ دەستپێبکات”.
Iraqi military moves on #Kirkuk will lead to a devastating conflict. Wisdom must prevail, advances must cease & dialogue must begin
— Qubad Talabani (@qubadjt) October 13, 2017
