حەیدەر عەبادی، سێ رۆژ ماتەمینی بۆ کۆچی دوایی مام جەلال راگەیاند

 نوچەنێت

سەرۆکوەزیرانی عێراق ئەمڕۆ چوارشەممە، 4-10-2017، سێ رۆژ ماتەمینی گشتی بۆ کۆچی دوایی مام جەلال، راگەیاند.

سکرتارییەتی گشتی ئەنجوومەنی وەزیرانی عێراق لە بەیاننامەیەکدا رایگەیاند: حەیدەر عەبادی، سەرۆکوەزیرانی بەهۆی کۆچی دوایی خوالێخۆشبوو جەلال تاڵەبانی، سەرۆککۆماری پێشووی عێراق، سەرەخۆشی لە گەلی عێراق دەکات و ماوەی سێ رۆژ ماتەمینی گشتی رادەگەیەنێت.

مام جەلال رۆژی سێشەممە 3-10-2017 لە تەمەنی 84 ساڵیدا بەهۆی نەخۆشی لە ئەڵمانیا کۆچی دواییکرد. بەو هۆیەوە هەفتەیەک ماتەمینی گشتی لە کوردستان راگەیاند.