نوچەنێت
بەرپرسێکی باڵای نەتەوەیەکگرتووەکان، لەبارەی گشتپرسییەوە هەڵوێستی خۆی راگەیاند و گوتی “مافی چارەی خۆنووسین دەربڕینی شکۆمەندی مرۆڤە و کێ دەتوانێت ئەو مافە لە کورد بسەنێتەوە”.
ئەلفرێد دی زیاس، بەرپرسی پەرەدان بە پرۆسەی دیموکراسی لە نەتەوە یەکگرتووەکان، لە لە توویتەری خۆی کۆمەڵە توویتی لەبارەی گشتپرسی باشووری کوردستان بڵاوکردووەتەوە و دەڵێت “مافی چارەی خۆنووسینی واتا دیموکراسی، دیموکراسیش واتا مافی چارەی خۆنووسین”.
ئەلفرێد زیاس، پێداگری لەسەر مافی چارەی خۆنووسین بۆ کورد و تەمیلییەکان و کەتەلۆنییەکان دەکات و دەشڵێت “لە راپۆرتی خۆی یاسای نێودەوڵەتی مافی چارەی خۆنووسی بە تیروتەسەلی بۆ کۆمەڵەی گشتی نەتەوەیەکگرتووەکان ناردووە و بەڕوونی شیکردووەتەوە”.
ئەلفرێد لە 1981 تاوەکو 2003 پارێزەر و بەرپرسی باڵای کۆمیسیۆنی باڵای مافەکانی مرۆڤی سەربە نەتەوەیەکگرتووەکان بوو، هەروەها سکرتێری کۆمیتەی مافەکانی مرۆڤ بوو. دواتر زیاس بووەتە بەرپرسی سەرپەرشتیکردنی واژۆ لە نەتەوە یەکگرتووەکان.
Self-determination is an expression of human dignity. Who can deny this right to the Kurds, the Tamils, the #Catalans?
— Alfred de Zayas (@Alfreddezayas) September 25, 2017
