نوچەنێت
میری ئێزدییانی کوردستان و جیهان بەشداریی ریفراندۆمی سەربەخۆیی کوردستان کرد.
ئەمڕۆ (دووشەممە 25-9-2017) گەلی کوردستان بە هەموو ئایین و نەتەوەکانەوە لە ریفراندۆمی سەربەخۆییدا، بڕیار لە چارەنووسی خۆی دەدات.
میر تەحسین بەگ، میری ئێزدییانی کوردستان و جیهان لە شارۆچکەی شێخان لە پارێزگای دهۆک، بەشداریی ریفراندۆمی سەربەخۆیی کرد و دەنگی دا.
پێشتر میر تەحسین بەگ لە دەرەوەی وڵات بۆ پشتیوانی لە گشتپرسی گەڕایەوە کوردستان و داوای لە کوردانی ئێزدی لە دەرەوە و ناوەوەی کوردستان کردبوو، بەشداریی ریفراندۆم بکەن و دەنگ بە سەربەخۆیی کوردستان بدەن.
