نوچەنێت
ئەمڕۆ شەممە 9-9-2017، سەرۆکی هەرێمی کوردستان و ئەمینداری گشتی کۆمکاری عەرەبی لە هەولێر کۆبوونەوە.
ئێوارەی ئەمڕۆ شەممە دوای سەردانەکەی بۆ بەغدا، ئەحمەد ئەبو غەیت، ئەمینداری گشتی کۆمکاری عەرەبی بەسەردانێک گەیشتە هەولێر و لە لایەن مەسعود بارزانی، سەرۆکی هەرێمی کوردستان پێشوازی لێکرد و دواتر شاندی هەردوولا کۆبوونەوە.
پێش سەردانی بۆ هەولێر، ئەحمەد ئەبو غەیت لە بەغدا لەگەڵ حەیدەر عەبادی، سەرۆکوەزیرانی عێراق کۆبووەوە و بەپێی راگەیێندراوی نووسینگەی عەبادی، ئەبو غەیت پشتگیریی خۆی بۆ یەکپارچەیی خاکی عێراق راگەیاندووە.
بەپێی راگەیەندراوی ئەمینداریەتی کۆمکاری عەرەبی، ئامانجی سەردانەکە پاراستنی یەکێتی خاکی دەوڵەتی عێراقە، وەک ئەندامێکی کۆماری عەرەبی و هاوکات پشتوانی لە دەرفەتی دەستپێکردنی دیالۆگی نێوان هەولێر و بەغدا دەکات.
