نوچەنێت
ئەنجومەنی سەركردایەتی سلێمانی- هەڵەبجەی پارتی دیموكراتی كوردستان، روونکردنەوەیەک لەبارەی هەڵواسینی پۆستەری بانگەشەی گشتپرسی لە سلێمانی بڵاودەکاتەوە و رایدەگەیەنێت “دوور و نزیك پەیوەندی بە ئێمەوە نییە”.
لە راگەیەندراوەکەی ئەنجومەنی سەرکردایەتی پارتیدا هاتووە “رۆژی هەینی رێكەوتی 8-9-2017 لەهەندێك لە شەقامە گشتییەكانی شاری سلێمانی، ژمارەیەك پۆستەر بۆ بانگەشەی ریفراندۆمی سەربەخۆیی كوردستان هەڵواسران، كەوێنەی جەنابی سەرۆك بارزانی و بەڕێز مام جەلالی لەسەرە”.
ئەنجومەنی سەرکردایەتی پارتی، بێبەری بوونی لەو بانگەشەیە دەردەبڕیت و رایدەگەیەنێت “ئێمە لەسەركردایەتی سلێمانی – هەڵەبجەی پارتی دیموكراتی كوردستان، رایدەگەیەنین، كە بە هیچ جۆرێك، لەدانان و لێكردنەوەی ئەو پۆستەرانە ئاگادار نین و لە دوور و نزیك پەیوەندی بە ئێمەوە نییە”.
