نوچەنێت
گوتەبێژی فەرمی حكومەتی هەرێمی كوردستان، پشووی جەژنی قوربانی راگەیاند، پشووەکە لە پێنجشەممە دەستپێدەكات و تاوەکو رۆژی سێشەممە بەردەوامدەبێت.
سەفین دزەیی، گوتەبێژی فەرمی حكومەتی هەرێمی كوردستان، لە پەیامێکدا بەبۆنەی جەژنی قوربانەوە، پیرۆزبایی لە خانەوادەی شەهیدان و پێشمەرگە و هەموو موسڵمانانی كوردستان و عێراق و جیهان دەكات.
گوتەبێژی حكومەت هیوادەخوازێت ئەم جەژنە ببێتە مایەی بەدیهاتنی ئاوات و ویستەكانی گەلی كوردستان و بەرقەراربوونی ئاشتی و ئارامی لە كوردستان و ناوچەكەدا.
لە پەیامەکەیدا دزەیی پشووی جەژنی قوربانی دیاریکردووە، پشووەکە لە رۆژی پێنجشەممە (2017/8/31) دەستپێدەكات و تاوەکو رۆژی سێشەممە (2017/9/5) بەردەوامدەبێت، رۆژی چوارشەممەش (2017/9/6) دەوامی فەرمی دەستپێدەكاتەوە.
