نوچەنێت – رووداو
فەرماندەیی دهۆک شەوی رابردوو هێزەکانی پێشمەرگە لە میحوەری رۆژئاوای دیجلە سێ چەکداری داعشیان دەکوژن، کە بەنیازبوون بەناوی خۆڕادەستکردنەوە خۆیان بە پێشمەرگەدا بتەقێننەوە.
فەرماندەیی دهۆک رایگەیاند، شەوی رابردوو 22-8-2017، لە گوندی “گۆل محەممەد” لە میحوەری رۆژئاوای دیجلە سێ خۆکوژی داعش بەناوی خۆڕادەستکردن بەرەو سەنگەرەکانی پێشمەرگە دەهاتن، بەڵام بەهۆ زانیاری هەواڵگری زانرا دەیانەوێ خۆیان لەنێو هێزەکانی پێشمەرگەدا بتەقێننەوە.
پێش گەیشتن بە سەنگەرەکان، هێزەکانی پێشمەرگەکان لە بۆسەیەکدا تەقە لە چەکدارە خۆکوژەکان دەکەن و هەر سێ چەکدارەکە دەکوژن.
