نوچه‌نێت
گوته‌بێژى فه‌رمانده‌ى گشتى هێزه چه‌كداره‌كانى عێراق، ناسنامه‌ى دوو خۆكوژه تیرۆریسته‌كه ئاشكرا ده‌كات و دووپاتى ده‌كاته‌وه هه‌ردووكیان خه‌ڵكى مووسڵ و سعوودی نیین.
به پێچه‌وانه‌ى ئه‌و زانیارییانه‌ى میدیاكانى ئێران له‌باره‌ى ناسنامه‌ى یه‌كێك له خۆكوژه‌كانى رۆژى پێنجشه‌م بڵاویان ده‌كرده‌وه، گوایه سعوودییه و له ده‌روازه‌ى سنوورى عه‌رعه‌ر هاتووه‌ته عێراق.
یه‌حیا ره‌سوڵ گوته‌بێژى فه‌رمانده‌ى گشتى هێزه چه‌كداره‌كانى عێراق له لێدوانێكى رۆژنامه‌وانى زانیارییه‌كان به درۆ ده‌خاته‌وه و ده‌ڵێ، “هه‌ردووكیان خه‌ڵكى مووسڵن و سعوودى نیین”.
یه‌حیا ره‌سوڵ هۆكارى رووداوه تیرۆریستیه‌كه بۆ كه‌مته‌رخه‌مى هێزه ئه‌منییه‌كان ده‌گێڕێته‌وه و دووپاتیشى ده‌كاته‌وه كه ناوچه‌كانى رۆژهه‌ڵاتى سووریا هه‌ڕه‌شه‌یه‌كى زۆر له‌سه‌ر عێراق دروست ده‌كه‌ن.
ماوه‌یه‌ك له‌مه‌وبه‌ر مسته‌فا كازمى سه‌رۆك وه‌زیرانى عێراق و فه‌رمانده‌ى گشتى هێزه چه‌كداره‌كان بڕیارى دا بوو لیژنه‌یه‌كى باڵاى ئه‌منى سه‌ردانى ناوچه سنوورییه‌كانى نێوان عێراق و سووریا بكات بۆئه‌وه‌ى پلان بۆ كۆنتڕۆلكردنى دابنێت.
