نوچه‌نێت
ته‌قه‌كردن له چێشخانه‌كه‌ى سه‌روپێ له هه‌ولێر بووه‌ته به‌زمى رۆژنامه عه‌ره‌بی و جیهانییه‌كان و چه‌ندان هه‌واڵى “خۆش”یان له‌سه‌ر كردووه و ماڵپه‌ڕى حوڕه نووسویه‌تى ” 500 فیشه‌ك بۆ نه‌مانى پاچه ته‌قێنراوه”.
هه‌ر یه‌كه له ماڵپه‌ڕى سكاى نیوز و حوڕه و چه‌ندان ماڵپه‌ڕى تر و په‌یجى به‌ناوبانگى عێراقى و عه‌ره‌بى و جیهانى كاریان له‌سه‌ر له‌وانه ماڵپه‌ڕى حوڕه نووسیویه‌تى، “500 فیشه‌ك ته‌قێنراوه”.
جیا له‌وه‌یش له تۆڕه كۆمه‌ڵایه‌تییه‌كانى عه‌ره‌بى، بابه‌ت و نوكته له‌سه‌ر ئه‌م رووداوه نووسراوه و گه‌نجێكى عێراقى گوتوویه‌تى، “بۆ ته‌قه‌تان ده‌كرد به منتان بگووتایه بۆم حازر ده‌كردن”.
به‌ره‌به‌یانى دوێنێ چوار گه‌نج به‌هۆى نه‌مانى پاچه له هه‌ولێر ته‌قه‌یان له چه‌ند چێشتخانه‌یه‌ك كرد و تا ئێستا نه‌گیراون.
